40.000 txartel inguru banatuko dituzte eskualdeko 88 establezimendutan, 698 sarirekin. Gorbeialdeko Kuadrillak emango duen sariaz gain, establezimenduek ere euren gain har dezakete ekimena, sarien kopurua handituz.
Aramaioko establezimenduak
Ekimenera Aramaioko 15 establezimendu batu dira: Iturrioste garajea, Coviran Kintelena, B. Lopez harategia, Ibarra botika, Anus ile-apaindegia, Ibarra Okindegia, Paska arrandegia, Arbel kooperatiba, Iturrieta sagardotegia, Añai taberna, Anboto taberna, Dukiena jatetxea, Unzueta sagardotegia, Eder ile-apaindegia eta Ekonomatoa.
Nola egin: kontsumitu eskualdean
Eskualdeko jarduera guztiak –tokiko kontsumorako kupoiak, esperientziak, nekazaritza-elikadurako produktuak, artisautza, sari zuzenak…– irabazteko aukera egongo da. Horretarako, eskualdeko establezimenduetan kontsumitu beharko da, kupoia hartu, harraskatu eta irabazi.
Saririk lortzen ez dutenak, zozketa
Saririk lortzen ez duten txartel guztien artean bi lagunentzako bi bazkariren edo afariren zozketa egingo dute.
Gorbeian bizi Gorbeian erosi kanpainaren helburuak dira:
• Herritarrak euren herrietako saltokietara joatea eta horietan aurkitu eta kontsumitu dezaketena zuzenean ezagutzea sustatzea.
• Fidelizazioa sustatzea.
• Merkataritzak tokiko ekonomian duen zeregin garrantzitsua ikusaraztea, tokiko produktuen eta zerbitzuen sustatzaile gisa.
• Herriak eta haien jarduera dinamizatzea eta, beraz, herritarren bizi-kalitatea hobetzea.
• Gorbeialdeko biztanleen aurrerapen sozial, ekonomiko eta kulturalari laguntzea.
