Xabi Igoa garaile, Arabako Bertsolari Txapelketako azken final-laurdenean

Imanol Beloki Unamuno 2019ko ots. 24a, 13:00

Arabako Bertsolari Txapelketako azken final-laurdena jokatu zen, atzo, Aramaioko kultura etxean. Aretoa beteta izan zen, eta oholtzan Xabi Igoa, Andere Arriolabengoa, Peru Abarrategi, Manu Bendala, Unai Anda eta Beñat Garaio aritu ziren bertsotan. Ariketa guztiak egin ondoren, Xabi Igoak lortu zuen puntu gehien, 237,5 puntu. Horrekin batera, finalerdiak erabakita geratu ziren.

Arabako Bertsolari Txapelketako hirugarren eta azken final-laurdenean Eli Plazaola aritu zen gai-jartzaile moduan, eta ariketa guztien ostean, puntuazioaren berri eman zuen:

Saioko puntuazioa

Xabi Igoa : 237,5 puntu

Andere Arriolabengoa: 231 puntu

Peru Abarrategi: 224,5 puntu

Beñat Garaio: 211,5 puntu

Unai Anda: 204 puntu

Manu Bendala: 203 puntu

Finalerdietarako bertsolariak ere zeintzuk izango diren adierazi zuten. Lehenengo finalerdian, Legution, martxoaren 9an honako hauek izango dira: Aitor Ugarte, Andere Arriolabengoa, Manex Agirre, Peru Abarrategi, Serapio Lopez eta Xabi Igoa. Martxoaren 16an, Dulantzin, bigarren finalerdian, berriz: Aroa Arrizubieta, Beñat Garaio, Iñaki Viñaspre, Oihane Perea, Paula Amilburu eta Rikardo Gonzalez.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak