Hain zuzen, berdintasuna@gorbeialdea.eus helbidean edo 945-43 01 67 zenbakian eman daiteke izena, eta parte hartzera animatzen diren pertsonen bizilekuaren arabera herriz herri txandaka egingo dituzte hileroko hurrengo saioak.
Azaroko saiorako Arantxa Urretabizkaiaren Bidean ikasia (1993-2016) lana irakurri beharko dute parte-hartzaileek, Hondarribiko alardeari buruzko liburua. Izan ere, Irakurle Klub Feministan irakurriko dituzten lanen egileak emakumeak izango dira beti, eta, oro har, ikuspegi feminista izango duten lanak izango dira. 18:00etatik 20:00etara izango da lehen saioa.
