Eskola aurrean, Bañera parkean, egongo da ur-parkea. Martitzenaz geroztik ari dira plataformak hartuko duen eremuan lurra kentzen eta ura botatzeko puntuak egongo diren tokiak markatzen, eta datozen egunetan hoditeria eta hustubideak sartu eta araztegia ipiniko dituzte, izan ere, berrerabili egingo du ura. Oñatiko eta Antzuolako ur-parkeen antzerakoa izango da, baina, tamainaz, txikiagoa.
Arrizabal Elkartea S.L. enpresa da lanen arduraduna; eta aurrekontua, 109.505 euro. %75, gutxi gorabehera, Europatik jasotako diru-laguntza batekin ordainduko dute; eta gainontzekoa udalak jarriko du.
Irail erdialderako prest egotea da aurreikuspena eta, beraz, dena ondo bidean, aurten bertan izango dira estreinatzeko moduan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.