400.000 euro inguruko kostua izan zuten lanok, eta %90 Foru Planeko diruarekin ordaindu zuten. 30 bizilagun inguru ditu Gureiak, eta haien "eguneroko bizitzak, obra hauekin, hobera egingo duen ustea" agertu zuen Pilar Garcia de Salazar ahaldun nagusiordeak.
Gureiara bisita egin aurretik, udaletxean bildu ziren Aldundiko eta Udaleko ordezkariak. Aramaioarrek dituzten arazoen eta beharren berri eman zioten Diputazioari: "AHTrekin ditugun arazoak, erresidentzia baten beharra, obrekin eta pistekin ditugun arazoak...", zioen Lierni Altuna alkateak. Foru Aldundia euskaldundu eta erakunde bien arteko harremanetan euskara normaltasunez erabili ahal izateko aramaioarren nahiaren gainean ere jardun zuten.
Alkatea gustura agertu zen Aldundiko arduradunen bisitagatik eta interesagatik. Aramaioarren eskaerak aztertzeko asmoa agertu zuten haiek.
