Bestalde, askotariko beste ekintza asko egin dituzte: umeendako antzerkia, patata tortilla txapelketa, erromeria, hockey partiduak, herri kirolak, dantzak, txistulariekin diana eta irrintzi lehiaketa izan zituzten, besteak beste. Irrintzi lehiaketa aurrenekoz egin dute aurten Aramaion, eta lehen saio honek, 20 parte hartzailetik gora izan ditu.
Nahiz eta zapatuan pilota partiduak egongo diren, gaur bukatuko dira sanmartinak; izan ere, egun potoloa izango dute gaurkoan Aramaion, kuadrillen arteko pikea eta herri afaria direlako askorendako hitzordu garrantzitsuenak.
