Gogotsu hartu du Lierni Altunak Aramaioko alkate kargua

Aramaion ere dena aurreikusi bezala gertatu da eta EH Bilduko Lierni Altuna izendatu dute alkate. Hemen ere, lehenengo, adinekoen mahaia eratu dute: Cristina Etxenausia zinegotzi nagusienak eta Lierni Altuna berak, gazteena izanda, osatu dute mahaia. Ostean, udalbatza eratu ondoren eta amaitzeko alkatearen aukeraketari ekin diote: EAJk ez du Rafael Bengoa hautagai moduan aurkeztu eta Lierni Altuna bozkatzerako orduan abstenitu egin da. Beraz, gainontzeko botoak Altunarendako joan dira.

Azken lau urteetan Aramaioko alkate izan den Ramon Ajuriak ezin izan zuen inbestidura ekitaldian egon. Hala ere, ekitaldiaren aurretik alkate makila eman zion Lierni Altunari. Argazkia egin zuten momentu hori jasotzeko.Ajuria eta Altunaz gain, irudian daude Cristina Etxenausia eta Martin Arriolabengoa zinegotziak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.