Herriko jaiak izango balira bezala, sekulako giroa egon zen zapatuan Aramaioko Erretiratuen Egunean. Herri osoa inplikatu zen eguna borobila irten zedin: Udala, bertako zein kanpoko baserritarrak, herriko elkarte gastronomikoak, txistulariak, dantzariak, Bizente Goikoetxea eta Papargorri abesbatzak...
Askotariko eskaintza
Nardeaga kalean gora jarritako azoka izan zen eguneko izarra. 60 postutik gora aurten ere, eta askotariko eskaintza bertako zein kanpoko produktuei dagokienez: onddoak, barazkiak, frutak, gazta, eztia, pastelak, eskulanak, bitxiak, sukalderako erremintak...
Ganadu feriak ere ez zuen hutsik egin eta talogileek ere sendo egin zuten lan. Era berean, Gure Esku Dago ekimeneko eta Fracking Ez taldeko kideek ere euren aldarrikapenen berri eman zuten. Eguneko protagonistak ederto ibili ziren.
Kiroldegian egindako bazkarian 111 erretiratu elkartu ziren. Bapo bazkaldu ostean, Udalak hainbat opari banatu zituen eta, detailetxoez gain, aurten ere sari potoloak bidaiak izan dira