Araian lortu zuten Arabako txapelketa Etxebarriak eta Argik, eta garaipen hark eman zion Oñatin lehiatzeko aukera. Urduri dago, baina irabazteko asmoarekin doala esan digu. Jakinda, hori bai, Oñatikoa, inguruetan antolatzen den txapelketarik zailena dela.
Bi froga
Txakurrek bi froga egin beharko dituzte. Lehenengoan artzainaren aginduei kasu eginez, artaldea hartu eta zelaiaren erdian dagoen hesitik pasa beharko da. Ondoren zelai barrenean dagoen makila baten ondora eramango du artaldea, eta bukatzeko epaimahaiak adierazitako hesitik pasa beharko da: eskuinetik edo ezkerretik.