Lanok egiteko beharrezko makineria datorren asteko martitzenean eramango dute bertara eta lan hauexek egingo dituztela azaldu du Aramaioko alkate Ramon Ajuriak: “Hasiko dira lehenengo saneamenduarekin eta hoditeria guztiak jarriko dituzte. Eta horren ostean errepidea konponduko dute eta bidea asfaltatuko dute”.
Obra horiek hiru hilabeteko epean egingo dituzte, eta beraz, espero dute lanok abenduan amaitzea. Aurrekontua, bestalde, proiektuan aurreikusitakoa baino txikiagoa da: 290.900 euro, BEZa barne. Eta gainera, Arabako Diputazioak %100ean ordainduko du. Beraz, alkatea pozik dago lortutakoarekin: “Irtenbide bat topatu dugu, lortu dugu diru laguntza osoa, %100a, aurrera doa proiektua eta oso pozik gaude”, dio alkateak.
Auzotarrak ere gustura daude azkenean Murun ur zikinen eta euri uren sarea berrituko delako eta errepidea egokituko delako. Hasi dira, beraz, Muruko auzotarrak urte askoan itxaroten egon diren obrak.