Hilabete barru lehiatuko da Maider Unda aramaioarra Londresko Joko Olinpikoetan. Abuztuaren 9an du hitzordu handia, eta gaur Gasteizen egindako prentsaurrekoan txapelketara begira dituen asmoen gainean egin du berba. Borroka librea ez du kolpean uzteko asmorik, baina badaki azken jokoak izango dituela. Eta bai, amets egiteko ordua da, eta urreaz egiten du amets.