Datorren astean itzuliko dira indusketa lanak Murugainera. Orain bigarren faseari ekingo diote eta iaz irekitako indusketa eremuetan jarraituko dute lanean. Hau da, Burdin Aroko eta 36ko gerrako aztarnak bilatzen jarraituko dute. Lehen fasean ez bezala, oraingoan auzolanean oinarrituko dira indusketa lanak eta atzo Aramaioko udaletxean egindako bileran lau egun zehaztu zituzten: hilaren 18a, 21a, 25a eta 28a. Ondare Babesa enpresako bospasei lagun egongo dira lanok gidatzen.