Hainbat gai garrantzitsu jorratu ziren joan den egueneko osoko bilkuran. Uztailaren 6a ezkero Ramon Ajuria alkatea ez dago lanean –gaur bueltatu da– eta horregatik Lierni Altuna alkateordea izan da jarduneko alkatea. Horrez gain, udaletxeak idazkari berria du: Eñaut Azkoaga arrasatearra. Gaiei dagokienez, Azkoaga auzoko saneamendu lanak nabarmendu behar dira. Era berean, Mendiolako Ikerketa eta Berrikuntza zentroaren erabilera baimentzeko hitzarmena sinatzeko tramitea ere onartu zen.