Txirritola Eguna domekan, euskara eta sagardo egarriz

Euskarak eta sagardoak bat egingo dute domekan, Txirritola Egunaren bederatzigarren edizioan. 11:30ean hasita, trikitilariak izango dira herriko kaleak girotzen eta txotx irekiera 12:00etan izango da. Maider Unda Oletan bizi den borrokalari aramaioarrak egingo du lehen txotxa. Udalak antolatu du omenaldia Londresko Olinpiar Jokoetan lortutako brontzezko dominagatik, Txirritola elkartearen oniritziarekin: aurreskua dantzatuko diote, oroigarri bat emango diote eta bertsorik ez da falta izango. Ondoren, Aramaioko sagardo ezberdinak dastatzeko aukera egongo da, baita taloak zein denetariko pintxoak jateko aukera ere.