Antzuolako udal aurrekontuetan, 384.120 euro proiektu berrietan inbertitzeko

Baserri guztiak urez hornitzeko azken fasea, 13.a, exekutatuko du udal gobernuak 2026an, Altzeta eta Loixeta baserriei dagokiena. Hori izango da inbertsiorik handiena, 110.000 eurokoa. Beste esku hartze garrantzitsu batzuk ere egingo dituzte: tartean, frontoi txikiko estalkia, dolu perinatalerako gunea hilerrian, Lizarragako hiribidearen egokitzapena, Udal eraikinetako eguzki plaken lehen fasea eta barandila eta adokinen konponketak.