Parte-hartze prozesu irekia eta gardena egin dute Antzuolan, Mairuaren Alardeak bizirik eta indartsu iraun dezan. Herritarren artean alardean parte hartzeko eta alardearekin jarraitzeko atxikimenduak ezinbestekoak diren honetan, kanpotik etorritako aitortzak, lanean jarraitzeko indarra ematen dio antolaketa taldeari.
Bederatzi hautagai izan zituen epaimahaiak, saria nori eman erabakitzeko. Ez zuten zalantzarik izan. Garbiñe Biurrunek, Maddalen Iriartek, Fermin Muguruzak, Arantxa Urretabizkaiak eta Nieves Alzak Antzuolako Alardea aukeratu zuten, erabateko adostasunez.
