Antzuolako bide berdeko lur-jausiak eta tunela konpontzeko ia 200.000 euro onartu ditu Aldundiak

Ia 200.000 euro bideratuko ditu Gipuzkoako Aldundiko Mugikortasuneko eta Lurralde Antolaketako Departamentuak Antzuolako Bide berdeko Jauregiko tunela konpondu eta inguruko lur-jausiak txukuntzeko. Antzuolako Udalarekin lortutako akordioa txalotu du Rafaela Romero diputatuak. Izan ere, herritarrek asko erabiltzen duten azpiegitura dela nabarmendu du eta inbertsio horri esker, txirrindulariak nahiz oinezkoak bide hori berriro erabili ahal izango dute.