Elkartasunak aurre egin dio eguraldi makurrari

Antzuolako herriak elkartasun keinu bikaina erakutsi du beste urte batez Anelkar elkarteak antolatutako sardina-jan solidarioan. Eguraldi makurra izan arren, herritar ugari hurbildu dira, eta udaletxe azpian bildu dira guztiak, giro ederrean.

Urteroko hitzordua da sardina-janarena, eta helburua ere, urterokoa izan da aurten, hau da, elkarteak Kongon eta Senegalen dituen proiektuak aurrera eramaten jarraitzeko dirua batzea. Horrez gain, Saharara ere bideratuko da zati bat, janari-bilketa egin eta jana hara bidaltzeko.

Elkartasun Festa

Datorren egubakoitzean, abuztuaren 31n, beste ekintza solidario bat egingo dute Anelkar elkartekoek, Elkartasun Festa. Hau ere urteroko hitzordua. Arratsaldeko 19:30etan hasiko dira pintxoak banatzen, eta 21:00ak ingurura arte egongo dira, Zurrategi plazan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.