Maider Arregi eta Onintza Enbeita bertsolariek bertsotan egin zituzten aurkezpen lanak eta bertsoen bitartez josi zituzten solasaldiko tarte desberdinak. Lehenengo eta behin Antzuolako lau emakume baserritarrek beraien bizi-esperientzia kontatu zituzten. Hizlariak izan ziren Bidaurre baserriko Kontxi Izagirre, Lapatzako Maje Gorritxo, Egurrebaiko Matilde Ortueta, eta Pikunietako Josebe Blanco. Nork bere arrazoiak ditu baserritar izateko.
Emakume baserritarraren ofizioa ez da erraza. Garrantzitsua da lanbidea gustuko izatea. Horixe Antzuolako solasalditik ateratako ondorioetako bat.
Emakume Nekazarien Estatutua
Euskal Autonomia Erkidegorako orain bi urte onartutako Emakume Nekazarien Estatutuari buruz ere jardun zuten Antzuolako solasaldian. Maite Aristegik azaldu zuen berez lege horrek emakume baserritarraren eskubideak eta berdintasuna lortzeko arlo desberdinetan eman beharko ziren pausoak jasotzen dituela, baina ez dela garatu.