Kalegoiko etxe baten teilatuak su hartu du

Kalegoi kaleko 12. atarteko etxebizitzako teilatuak su hartu du gaur eguerdian. Tximiniaren inguruan hartu du suhiltzaileek jakinarazi dutenez eta hiru kamioi gerturatu dira. Ez da zauriturik izan eta dagoeneko itzali dute sua.

Etxean ez zegoela inor sutea hasi denean jakinarazi dio Goienari Antzuolara gerturatu den Aitor Oskoz arrasatearrak; inguruko bizilagunak konturatu dira ke asko ari zela irteten eta kezkatuta larrialdietara deitu dute. Hiru solairuko etxea da Kalegoiko hori.

Sua itzaltzeko ur asko bota dutela jakinarazi dute suhiltzaileek eta kalteak zenbatekoak izan daitezkeen oraindik ezin da jakin. Batez ere teilatua izan da kaltetua, eta plastikoa jarriko dute hori estaltzeko behin behineko neurri moduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.