Herria garbi mantentzeko "ez zikintzea" dela oinarria ohartarazi du Udalak

Maider Arregi 2016ko aza. 22a, 15:00

Herria garbi mantentzeko helburuz, kontzientziazio lanean jarraitzeko asmo sendoa duela dio Antzuolako Udalak. Halaxe dio argitaratu duen gutunean, hain justu ere.

Herri Eskolarekin elkarlanean ekimen hezitzailea ere abian jarri zuen aurreko astean; hala, ikastetxearekin adostu ostean geletan gaiaz berba egin eta hausnarketa egin zuten ikasle-irakasleek. Ondoren, taldeka banatu eta Udal langileekin batera eskolako patioa garbitu zuten. Helburua, garbitasunaren gaia mahai gainean jartzea eta etxeetan hausnartzea dela azaldu du Beñardo Kortabarria alkateak.

Herritarrei galdetuta, garbitasun falta ez dela bakarrik umeen kontua eta helduek ere zer ikusi handia dutela diote.

Udalak kaleratutako gutunak dio "oinarria ez zikintzea" dela. Azken boladako errespetu faltaz ere ohartarazi du: "Aulkiak puskatu, ateak, leihoak, erre, pixa egin, desordutan kolpeka jardun... Edozer gauza ez dela zilegi dio. Errespetua, gauzei eta pertsonei zor zaiela, alegia.

Eta bukatzeko esan, behin behineko neurri gisa hartu zutela pilotalekua ixtea; bada, jakinarazi dute, berriro pilotalekua zabalik dagoela herritarrendako.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak