Antzuolan pilota zaletasuna handia dela ez da kontu berria. Hala, Olalde pilota elkarteak beti izan ditu gaztetxo asko bere harrobian. Aurtengo ikasturtean, 49 neska-mutikok dihardute pilota eskolak jasotzen. Asteon, denak batu ziren Goizperrek eman dizkien kamisetarekin talde argazkia ateratzeko.
Olalde elkarteko kideak oso pozik daude pilota zaletasuna haziz doalako herrian. "Osasuntsu dago Antzuolako Olalde pilota elkartea. Aurten, 49 neska-mutikok abiatu dute denboraldia; horietako bederatzi gainera neskak dira", kontatu du Olaldeko entrenatzaile eta epailea den Joseba Azkaratek. Gaineratu du pilotarekiko maitasuna ondo transmititzen jakin dutela eta hori dela egun dagoen zaletasunaren gakoa. "Pilotarekiko harreman estua, baina, betidanik egon da", diote pilota elkarteko kideek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
