Auzolanean egiten diharduten bolatokiaren helburuetako bat, hain justu ere, Antzuolan bolatokia betidanik tradizioa izan dela erakustea da. Baita, egun 30 urte inguruko gazteei, bolotan nola jokatzen den irakastea ere. Gazteendako erakargarria izango dela uste dute auzolanean dihardutenek. Jose Antonio Igarza da lanean diharduen erretiratuetako bat: "25 metroko luzera dauka ohol eta guzti bolatokiak. Zabaleran, aldiz, 40 zentimetro. Izan ere, helburua da bolotan erraz jokatzea eta disfrutatzea. Gazteendako erakargarria izango dela uste dugu".
