Igogailua, gaur egun baserrietako buzoiak dauden tokian jarriko da (komunen atzealdean). Horregatik buzoiak kanpora aterako dira eta lehen udaltzainak zeukan bulegoan jarriko dira. "Aurrerantzean malgutasun handiagoko ordutegiaz baserritarrek buzoietara joateko aukera izango dute", azaldu du Hirigintza teknikari Valen Moñuxek.
Arrapala
Irisgarritasun lanen lehen fase honetan, 'L' formako arrapala jarriko da kanpotik udaletxe barrura sartu ahal izateko. Egurrezkoa izango da eta baranda edukiko du.
Etxaide enpresak egingo du
109.626 euroko kostua dute udaletxea irisgarria izateko lehen faseko lanek. Etxaide enpresaren asmoa da bi hilabetetan lanak bukatuta egotea. Igogailua 8 lagunendako izango da, 630 kilo.
Bigarren fasea oraindik ere zehaztugabe eta diseinatu gabe dago. Baina, beheko solairuan harrera eta bulegoak ekartzea gura du Antzuolako Udalak. Goian, aldiz, bulego teknikoak eta alkatetza mantentzea du asmo udalak. Guztia baina, zehazteko dago oraindik.