Datozen lau urteotan, EH Bilduko alkate izango den Beñardo Kortabarria, pozik agertu da bere kargu-hartze egunean. Gehiengo absolutuarekin lortu du alkatetzarako txartela. Basilio Ormazabal jeltzalearekin eta Miren Gallastegi sozialistarekin lehiatu da Kortabarria alkatetzarako: izan ere, zazpi zinegotzik EH Bildu bozkatu dute, hiruk EAJ eta zinegotzi batek boto zuria eman du.
Dena aurreikusi bezala gertatu da. Adinekoen mahaia osatzen hasi dute osokoa; zinegotzi izango direnek banan-banan euren kargua hartu dute zin eginez. Eta horrekin udalbatza eratuta geratu da. Ondoren alkatea izendatzeko bozka egin dute eta esan bezala Kortabarria izango da alkate datorren agintaldian: horrekin batera, zumitzezko uztaia jaso du. Ostean, aurreko agintaldiko Udal taldekoei eskerrak eman gura izan die Antzuolagatik egindako lanagatik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
