Udal eta Foru hauteskundeak 2015

Joseba Egibar: "Herrigintza ezin daiteke inprobisazioan oinarritu"

EAJk Antzuolan egindako ekitaldian Gipuzko Buru Batzarreko presidente Joseba Egibar izan zen eta salatu zuen "bakarren batzuk" ez dutela asmatzen nola egin herrigintza. EAJko hautagai Maria Eugenia Arrizabalagak, bestalde, kritikatu zuen Antzuolan hirigintzan EH Bilduk duen "erronka nagusia".

Antzuolako EAJko hautagai den Maria Eugenia Arrizabalagak hartu zuen hitza ekitaldian eta azaldu zuen "harrituta" zegoela EH Bilduko alkategaiak Goienako elkarrizketan esandakoekin: "Harrituta gelditu naiz ikusi dudanean, oraindik ere ez naiz nire onera bueltatu. Galdetu zaionean hirigintzarako zein proiektu nagusi dituen, EH Bilduko alkategaiak esan du erdiguneko kaleak txukun mantentzea dela euren erronka nagusia. Hori al da zortzi urtetan gobernatu duen hautagai berriak herriari datozen lau urteetarako planteatzen dion erronka nagusia?".

Gipuzko Buru Batzarreko presidente Joseba Egibarrek ere hitz egin zuen eta salatu zuen "bakarren batzuk" ez dutela asmatzen nola egin herrigintza eta herrigintza ezin dela inprobisazioan oinarritu.

Bestalde, EAJren alkategai Basilio Ormazabal antzuolarra talde esperientziaduna dutela-eta harro dago.

EAJ bozkatzeko proposamena herritarrei

Egibarrek amaitzeko esan zuen iragan hurbilean bezala, eskualde honetan EAJk ez duela "hutsik egiten" eta bozka EAJri ematea proposatu zien herritarrei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.