Hala, eguaztenetan, arratsaldeko zazpiak arte herriko gazteek izango dute eskolako patioa erabiltzeko aukera. Nahi duten jolasak egin ahal izango dituzte. Gainontzeko egunetan, berriz, orain arte bezala erabilera anitzerako izango da; eta 12 urtera arteko umeek izango dute erabiltzeko aukera.
Ordubeteko erabilera
Erabilera anitza dauka eskolako patioak. Horregatik, gazteen jolas bakoitzak ordubeteko iraupena izango du. "Ordubeteko jolasa egin ostean txanda pasa beharko zaio beste gazte talde bati. Modu horretan, gaztetxoen artean izan ohi diren eztabaidak sortzea eragotziko da. Hala adostu dugu gurasoekin ere". Behin osoko bilkuran onartuta, Udalak lehenbailehen abian jarri gura du araudi berria.
