Eskubide zibil eta politikoen aldeko oihua lau haizetara zabaltzeko asmoz sortu zen Antzuolan 'Ez dot moztuko bizarra!' eguna duela hiru urte. Aldarrikapena, baina, jaiarekin bat dator kasu honetan eta atzo eta gaur, hainbat ekintza ari dira burutzen herrian. Gauean bukatuko da dena, Salda Badago eta The Potes taldeen kontzertuekin.
Torturaren gaineko dokumental bat eskaini zuten atzo iluntzean Torresoroan eta antolatzaileen esanetan, "parte hartzea motz gelditu" zen. Gaurko ekitaldiak, eguerdiko presoen aldeko elkarretaratzearekin hasi dituzte eta Olalde elkartean egin duten bazkariarekin jarraitu; 50 lagun batu dira bazkaritan. Arratsaldeko 16:00retan autobus bat atera da Elgoibarrera, Bostak askatu lelopean egingo den manifestazioan parte hartzera.
Eguna borobiltzeko, musika izango da protagonista gauean. 22:00etan hasiko dira kontzertuak gaztetxean. Hain justu ere, Salda Badago eta The Potes taldeek jarriko dute gau giroa festari bukaera emateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak