Kaleko oztopoak atzemateko irteera egin dute erretiratuek

Antzuolako Landatxope erretiratuen elkarteak antolatuta, goizean egin dute herriko oztopo eta beharrak batzeko irteera. Jose Inazio Garitano, Landatxopeko kontu-hartzailea aritu da gidari lanak egiten. Erretiratuei galdetu diegu Antzuolako herria nola ikusten duten.

 

Lehen aldiz antolatu dute Antzuolako herriko oztopoak identifikatzeko irteera Landatxopeko erretiratuek. Harrera polita izan du ekimenak eta 23 lagun batu dira gaurkoan ibilbidea egiteko. Adineko jendearendako oztopo dezente daudela azaldu digu Jose Inazio Garitano Landatxopeko kontu-hartzaileak.

Torresoroatik abiatu dira eta, Lapatzaetxeberrira, bidegorrira eta Etxezuritik bueltan itzuli dira berriro Torresoroara. Bidean, hautsitako espaloiak eta bankuak identifikatu dituzte. Baita egoera kaxkarrean dauden belarrez jositako horma eta bazterrak ere.

Hala, lanean, auzolanean jarraituko dute erretiratuek eta  hilean behin batuko dira jarraipena egiteko. Uztailaren 22an bilduko dira berriro Torresoroan, goizeko hamar t’ erdietan

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.