Denboraldi ona egin du Antzuolako futbol taldeak aurten ohorezko erregional mailan. 45 punturekin eta sailkapen orokorrean, zortzigarren postuan bukatu du liga. Juanina Garairen mutilak denboraldi erosoa egin dute, izan ere ez dute euren burua arriskuan ikusi eta jaitsiera postuetara gerturatu ere ez dira egin.
Iaz igo ziren ohorezko erregional mailara, eta orduan erakutsitako ilusioa eta indarrari eutsi diote aurtengo denboraldian ere. Herritarrak ilusio horrekin kutsatuta, herriari on egiten diotela horrelako albisteak aitortu digute.
Liga polita egin dute eta oso erregularrak izan dira denboraldian zehar; gutxi sufritutako denboraldia egin dute. Hala, hamaika partidu irabazi eta hamabi berdindu dituzte. Baina partidu garrantzitsuenak irabazi egin dituzte. Uda edota Aloña moduko taldeen aurkako derbietan garaipena eskuratu dute eta erakustaldi polita eskaini gainera zaleei. Datorren urtera begira, ilusio berdinarekin ariko direla gogor lanean azpimarratu digute.