Herritarren aurrean aurkeztu zituzten astelehenean Mairuaren Alardearen elkarteak martxoan jasotako inkesten emaitzak. "Lagin dezentea izan dugu, 268 pertsonakoa, eta emaitzekin eta ekarpenekin oso gustura gaude", azaldu digu Xabier Legorburu Mairuaren alardearen elkarteko presidenteak. Jendeak atxikimendua eman dio Alardeari eta inkesten emaitzei erreparatuta, sorpresa ere izan dutela kontatu digu Legorburuk: "Antzuolara bizitzera etorritako kanpotarrek ere atxikimendua eman diote Alardeari".