Beheko auzoko aparkalekuko lanak hasiko dituzte

Beheko auzoko garajeetako arazoari irtenbidea emateko akordio batetara iritsi da Udala bertako bizilagunekin. Hala, martitzeneko osoko bilkuran, Udalak bere gain hartuko dituen konponketak finkatzeko proposamena onartu zuten –Bilduk eta EAJ alderdiek aldeko botoa eman zuten–. "Bizilagunak eskatuta elkartu egin ginen eta aparkalekuetan dauden itogin arazoei irtenbidea bilatzea adostu genuen. Geure ardurak eta euren ardurak non dauden mugatu genituen; hala bakoitzak non jardun behar duen garbi izateko. Orain guri dagokigunez, itogin horiek konpontzeko lanak egin nahi ditugu: ura batu aparkalekuetara ez sartzeko", azaldu digu Iñaki Yarza Hirigintza zinegotziak.