UDA GIROAN

Hiru hamarkada baino gehiago daramatzate txirrindulari ohiek Elgetan elkartzen, eta, aurten ere, ez zuten hutsik egin. Abraham Olano, Miguel Mari Lasa, Julian Gorospe eta Jokin Mujika elkartu ziren besteak bete.

'Hemen Debagoiena' saioa osorik: 2023-09-22

Tarta azkar bat prestatzeko errezeta egiten ikasiko dugu oraingo honetan. Horretarako, sandia, txokolatea eta platanoa behar dira; fruta jateko beste modu bat.

Errezeta proposamen berria: Masusta gorriekin egindako txokolatezko bonboiak. Txokolatea, koko-olioa, jogurta, masusta gorriak eta kakahuete krema behar dira errezeta honetarako. Baita, izotz-pusketetarako moldea ere.

Asto jana egingo dute zapatuan Aretxabaletan, eta kalera irten gara haragi horren inguruan galdetzeko. Halaber, zein elikagai da sekula dastatu duten arraroena?

Irailaren 22tik 30era ospatuko da Donostia Zinemaldia, eta hitzordu hori aitzaki moduan hartuta bergararrei galdetu diegu jaialdiaren inguruan eta ea famatuak izatea nahiko luketen.

Bihar egingo dute asto jana Aretxabaletan. Astoaren jana jango dute modu batera edo bestera prestatuta; adibidez, gisatua eta hanburgesa. Aretxabaletako elkarteetan prestatuko dute, eta batzuetan lanean dabiltza dagoeneko. Esate baterako, lan horretan dabil Roberto Lopez Hibai-Gain elkarte gastronomikoko bazkidea.

Ion Berasategi bergararra bidaiari amorratua da. Uda honetan Mongoliako ipar mendebaldean ibili da. Hiru hasteko zeharkaldia egin du Altai mendietan. Hamasei laguneko taldean ibili da, eta 200 bat kilometroko distantzia egin dute gauean kanpin-dendetan lo eginez eta Mongoliako populazioa zein paisaiak ezagutzen. Asia erdialdean kokatua, munduko 19. herrialderik zabalena da, baina oso dentsitate txikia du. Biztanleen erdia, gainera, nomada da.

'Hemen Debagoiena' saioa osorik: 2023-09-21

Ordaintzeko bide eta modu ezberdinak daude gaur egun. Hala, kasuan kasu, herritarrek ordainketak nola egiten dituzten galdetu dute Uda giroan saioan.

Udazkenean sartuko gara laster eta horrek janzkera eta ordutegia aldatzea ekarriko du, besteak beste. Hala, sasoi berrira egokitzeko herritarrek egiten dituzten moldaketen berri jaso dute Uda giroan saioan.

Kolore fluorrak agurtu eta lur koloreak izango dira protagonista udazkenean. Zehazki, laranja eta klein urdina izango dira aurten kalean barrena gehien ikusiko ditugun bi koloreak.

Irailaren 28an 99 urte beteko dira Urbiako baseliza inauguratu zutenetik. Azken urteetan bertako zaintzaile lanak egiten dituen eta Urbia inguruak ondo baino hobeto ezagutzen dituen Jabi Larralek bertako ateak zabaldu dizkio Goienari.

Nekea, hormonen aldaketa, energia falta... izaten ditugu udatik udazken sasoira pasatzerako orduan. Hala, urtaro aldaketari aurre egiteko aholkuak eta jarraibideak partekatu dituzte Garoa Biodendako Arantzazu Iñarrak eta Monika Arzuagak, Uda giroan saioan.

'Hemen Debagoiena' saioa osorik: 2023-09-20

Mikel Lizarraldek 1981ean Oñati saria irabazi zuen Baqueko txirrindularia zela, eta joan den zapatuan Aimar Erostarbek (Baque Team) eskura izan zuen garaipena. Lasterketa bezperan izan ginen bi oñatiarrekin, eta baita ondoren ere.

'Hemen Debagoiena' saioa osorik: 2023-09-19

Sare sozialek geroz eta eragin handiagoa dute gizarte harremanetan. Baina zenbat denbora eta zein aplikaziotan ibiltzen dira batez ere arrasatearrak? Eta sentitzen al dute deskonektatzeko beharrik?

Arrasateko Hierro-Murillo familian hiru anai-arreba eta gurasoak dira. Euren egunerokoa zelakoa den azaldu dute.

Bi osagairekin eta oso modu samurrean izozki goxo bat prestatu daiteke. Oreo galleta poltsa eta esnea edo edari begetala nahikoa dira izozkia egiteko. Udako azken egunetarako proposamen interesgarria.

Azenarioekin ohikoa ez den errezeta bat proposatzen dizuet: azenario txips-ak, saltsa eta guzti. Lauzpabost azenario, jogurta, mostaza eta espeziak besterik ez dira behar mokadu hau prestatzeko.

Erakunde publiko zein pribatuen aurrean familia ugarien eskubideak defendatzea helburu duen Euskadiko elkartea da Hirukide eta datorren urtean 25 urte beteko ditu. Elkarteak eskaintzen dituen zerbitzuen berri emateko eta zalantzak argitzeko informazio gunea jarriko dute bihar, martitzena, Arrasateko Kulturaten, 10:00etatik 17:30era. Eta ondoren, 18:00etan, aurkezpen ekitaldia egingo dute dirulaguntza publikoen gaineko argibideak zehazteko.

'Hemen Debagoiena' saioa osorik: 2023-09-18

Abenturak eta bidaiak gustuko ditu Idoia Herrarte arrasatearrak eta hainbat herrialdetan ibili izan da orain arte. Aurtengo udan India iparraldea aukeratu du, Kaxmir ingurua, eta hainbat ibilaldi egin ditu hango mendietan. Era berean, bakarrik bidaiatzeari ere balioa eman gura izan dio.

Ilustratzaile eta artista oñatiarra da Mirari Sagarzazu, eta San Migel jaietako artisau azokan izango da. Azaldu duenez, saltzaileendako eta erosleendako zuzeneko harremanak edukitzeko plazak dira azokak, kontaktua egitekoak. Askotariko euskarrietan daude bere ilustrazioak.

Kalera atera gara arrasatearren eroste ohiturak zeintzuk diren ikustera. Bertako produktuen aldeko apustua egin eta sasoiko fruta zein barazkiak erosten dituzte herritarrek.  

Ulmatik Brasilera egin zuen salto Itziar Aranburu oñatiarrak orain dela bi urte. Bi milioi pertsona batzen dituen MST herri mugimenduarekin dihardu lanean han Mundukidek.

'Hemen Debagoiena' saioa osorik: 2023-09-15

Azoka plaza bisitatu du goizean Goienak. Salgaiak ikusi eta baserritarrekin solasalditxoa izan du Oihana Elorza kazetariak bertan; gazta, onddoak, pikuak, hurrak, barazkiak... Lurrak utzi du atzean uda eta emankor da sasoi berriko produktuak ekoizten.

Arrasateko Arizmendiarrieta plazan egubakoitzero izaten da arropa eta bestelakoen azoka. Udako arropa prezio merkean erosteko aukera da une honetan eta hasi da udazkenekoa ere iristen honezkero. Oihana Elorza kazetariak bisitatu du goizean azoka eta hitz egin du Nourdine Ouafa E-Ouafay arropa-sailtzailearekin.

Kultura berriak ezagutu eta unibertsitate ikasketak borobiltzera joan da Amaiur Retegi arrasatearra Suediako Stockholm hirira. Enpresa, etika eta jasangarritasuna bateratzen dituen ikasketak egiten dihardu eta abentura berriak bizitzen ere badabil.

Debagoiendar askok bailaratik kanpo ikasteko hautua hartzen dute. Horrekin batera, joan-etorria autobusez egin edo ikasketak burutuko dituzten lekuan pisua partekatzea ere erabaki behar izaten dute. Ainhoa Olaziregi bergararra Donostian ari da ikasten eta beste bi lagunekin partekatzen duen pisuaren nondik norakoa kontatu du Uda giroan saioan. 

'Hemen Debagoiena' saioa osorik: 2023-09-14

Txakurrak, katuak, txoriak, arrainak… ohiko animaliak dira gaur egun etxeetan. Aretxabaletarrek zeintzuk dituzte gustuko? Zein zaintza behar dute horiek?

'Hemen Debagoiena' saioa osorik: 2023-09-13

43 bikotek hartu zuten parte zapatuan Aramaion jokatu zen rallysprintean. Irabazleak Zumarragako Alberto Marcos pilotua eta Zarauzko Maialen Guridi kopilotua izan ziren. Aurreko urtean ere beraiek eskuratu zuten garaipena. Bigarren postua Aitzol Apalantzarendako eta Iker Zunzunegirendako izan zen, eta hirugarrena Mattin Villaresendako eta Alain Agirrerendako.

Aimar Arriolabengoa pilotu aramaioarrak rallysprint batean lehiatzeko, autoa prestatzeko eta gidatzeko gomedioak eman dizkigu. Asteburuan jokatu zen Aramaioko Rallysprinta eta Arriolabengoak bertan parte hartu zuen.

'Hemen Debagoiena' saioa osorik: 2023-09-12

Abuztuko atsedenaren ostean, ikasturte hasiera erronka berriak martxan jartzeko ohiko unea da. Diaz de Monasterioguren dietistak dio batzuetan fantasia edo erronka handiegiak izaten dituela jendeak, baina onena erronka txikietatik eta pixkanaka hastea dela.

Arrasateko kaleetan barrena ibili gara bertakoak xaxatzen eta nolako gidariak diren ikusten. Bi seinale berriren irudia ere atera dugu kalera zer adierazten duten jakiteko asmoz.

Eskoriatzar askok gogotsu hasi dute buztingintza ikastaroa. Olatz Pagalday elkarteko kideak xehetasun guztiak azaldu ditu Uda giroan saioan. Urte osoan zehar, hilabeteko azken asteazkenean buztingintza probatzeko aukera du nahi duen orok.

Eskoriatzako Manuel Muñoz kiroldegian hasi dute ikasturtea. Aurten ere, kirol eskaintza zabala prestatu dute erabiltzaileentzat eta kirola egiten hasi nahi duenak ere, badu aukera ate irekietan dohainik probatzeko. 

Birziklatzen al dute? Nola? Zein neurri hartzen dituzte murrizketari begira? Galdera horiek eta gehiago erantzun dituzte oñatiarrek Goiena telebistarako.

'Hemen Debagoiena' saioa osorik: 2023-09-11

Meritu handia izan dute kirolariek gaurkoan, eguzkipean, bero handiarekin egin behar izan dute lan-eta. Gatzagarrek, horrela, txalo zaparrada eskaini die kirolariei.

Entsalada eta parrilan egindako haragia izan zuten menu mahaiaren bueltan bildu ziren lagunek. Ohi bezala, Sorginak taldeko emakumeek prestatu zuten lehen platera eta haragia, berriz, erretiratuek egin zuten bertan, pilotaleku kanpoan.

Otxandiotik etorriko haurrekin batera aritu dira Gatzagako txikienak jolasean. Ur jolasa egin dute lehenengo. Jarraian, zozketarako txartelak banatu dituzte eta borobiltzeko, bonba japoniarretatik jasotako opariekin gozatu dute.

Dorletako santutegi kanpoan emanaldia eskaini du Aretxabaleta Abesbatzak. Hala, mezara gerturatu direnek askotariko kantuez gozatzeko aukera izan dute Gatzagako jaien hasieran.

Prestaketen ingurukoak eta festa nondik nora joango den kontatu du Gatzagako alkateak Uda Giroan saioan. Dagoeneko egin du eztanda jaik herrian, otxandiarrei ongietorria eginda. Gauean, kontzertuak egongo dira eta biharko egunean haurrak izango dira protagonista nagusi. Zapatu gaua herri afariarekin borobilduko dute eta igandean, berriz, herri kirolak izango dira Herriko Plazan. Autobus zerbitzu berezia ere egongo da gauez.

'Hemen Debagoiena' saioa osorik: 2023-09-08

Urteroko ohitura jarraituta, oinez joan dira otxandiarrak Leintz Gatzagara. Galdu ezineko hitzordua da hala askorentzako gaur goizean goiz herritik atera eta lagun duten herrira arteko bidea egitea. Otxandioko Herri Eskolako ikasleak ere animatu dira oinez joaten.

Gatzagako erretiratuek prestatutako salda eta pintxoa dastatzeko aukera izan dute Otxandiotik oinez etorri diren lagunek eta baita bertara gerturatu diren gainerako herritarrek ere. Hala, urtero moduan, Herriko Plazan hartu dute mokadutxoa jaien hasierara bertaratu diren lagunek.

Gurutze Gorriak eskola-material berria banatu die egoera ahulean dauden Debagoieneko 225 haurri. Bost urte daramatzate proiektuarekin Debagoieneko Gurutze Gorriko boluntarioek eta aurten, iaz baino 28 eskaera gehiago izan dituzte aurten. Elena Ibarrondok, ikasturte hasieran, eskola-materialari dagokionez egon daitezkeen desberdintasunak murrizteak duen garrantzia azpimarratu du Hemen Debagoiena saioan eskainitako elkarrizketan.

Neska-mutikoei ere heldu zaie oporrei agur esan eta ikastetxeetara bueltatzeko momentua. Debagoienean, askok gaur igaro dute trantze gazi-gozoa, beste batzuei bihar amaituko zaizkie atseden-egunak.

Ikasleentzat bakarik ez, gurasoentzat eta irakasleentzat ere eskolako lehen eguna berezia izaten da. Hala, eurak ere "urduri" zeudela onartu dute goizean, neska-mutikoak ikastetxeetara itzultzeko momentuan.

'Hemen Debagoiena' saioa osorik: 2023-09-07

Barazkien eta fruten zalea naiz eta asko erabiltzen ditut nire errezetetan. Hona hemen tomatearekin egindako errezeta ezberdin bat: tomate-tartarea.

Tatuajeak eta piercingak oso ohikoak dira, bereziki gazteen artean. Batzuek tatuaje txikiak egiten dituzte, beste batzuek handiak. Zergatik egin? Moda kontua da edo badute esanahiren bat? Edonola ere, "ondo pentsatuta egitea" gomendatu dute "betiko" direlako.

Miguel Arregi oñatiarraren Lagun txakurra izan zen irabazle eta Euskal Herriko Txapelketarako eta Nazioarteko Txapelketarako txartela eskuratu zituen. Jose Mari Bengoa oñatiarraren Zeu hirugarren sailkatua izan zen eta honek ere Euskal Herriko Txapelketan parte hartzeko aukera izango du. Txapelketako aurkezle lanetan, berriz, Estepan Plazaola bergararra izan zen.

Aretxabaleta herri erdian du ortua Karmele Unzuetak. Sasoiko produktuak ditu landatuta: tomate barietate ezberdinak, tartean Aretxabaletako tomatea, urazak, piperrak... uzta ederra dute etxean. Ortuaren nondik norakoak kontatu ditu Unzuetak Uda Giroan saioan.

Askapenak antolatutako brigadetan izan zen uztailean Aitor Juaristi arrasatearra. Hiru bat astez izan da Argentinako eta Uruguaiko errealitatea ezagutzen. Egoera soziala, politikoa eta ekonomikoa bertatik bertara ezagutzeko aukera izan du. Esperientziaren berri eman du.

Tomatearen Astea ospatzen hasi dira Aretxabaletan eta gaurtik irailaren 10era bitartean, Aretxabaletako tomatearekin egindako pintxoak dastatzeko aukera egongo da herriko sei osatutan. Hain zuzen ere, Berri, Iosu, Aretz, Gurea, Akategi-Exprex eta Hirusta jatetxean. Azken honetako arduradun eta sukaldari nagusi den Ibai Luelmok tabernan izango duten pintxoa prestatu du Uda Giroan saiorako.

Tomatearen Astea dela-eta, Aitor Agiriano aretxabaletarrak zirikatzera hurbildu da. Ortuko bi tomate hartu eta kalera irten da Aretxabaletako barietatea ezagutzen ote duten ikusteko.

'Hemen Debagoiena' saioa osorik: 2023-09-06

Herriko ostalariak pozik daude abuztuan turista askok hartu dutelako atseden haienetan. Leku askotatik etorri dira eta plan ezberdinak egiteko asmoarekin. Txokolateixara ere joan dira asko eta txokolatea eta txakolina erosi dute.

'Hemen Debagoiena' saioa osorik: 2023-09-05

Abuztuarekin batera amaitu dira gehienentzat oporrak, eta honenbestez, errutinara itzultzeko ordua iritsi da. Batzuk alde onak ikusi eta gustura hartu dute egunerokotasunera buelta, baina orokorrean oñatiarrek penaz hartu dute oporren amaiera.

Abuztuan dendetako ordutegiak moldatu dituzte, baina ia ikasturtea hastearekin bat, ohiko funtzionamendura itzuli dira Arrasateko establezimenduak. Nola egin dute errutinara buelta?

Nola egin dute lanerako itzulera Garaia Parke Teknologikoko langileek? Gogoz batzuk eta nekez beste batzuk baina ari dira apurka-apurka lanera egokitzen.

Debagoiendar askorentzat gaurko eguna izan da opor osteko lehenengo laneguna. Gustura aritu dira batzuk beraien oporraldia nolakoa izan den kontatzen.

'Hemen Debagoiena Uda giroan' saioa osorik: 2023-09-04

Oporretako itzulera tristea baino alaia izan dute bailarako txoko askotan, jaiak ospatu baitituzte bost auzotan: Osintxun, San Lorentzon, Bidebarrietan, Marixekan eta Zarugalden. Haur, gazte zein heldu, guztiek izan dituzte ondo pasatzeko eta lagunartean batzeko ekintzak aukeran.