SASIORDEKA

Sasiordekako hirugarren atal honetan Lukene Trujillano amurrioarra izan dugu gurean. 2021ean, Espainiako junior txapelketan hirugarren sailkatu zen txirrindulariak, bi urtez utzi behar izan du bizikleta, arteria iliakoko endofibrosi baten eraginez. Duela hilabete izan zuen ebakuntzan eta bizitakoaren inguruan galdetu diogu. Bestalde, berarekin ibilitako txirrindulari batzuk ere aipatu ditugu, jolas batzuk egitearekin batera.

Italiako Giro betean sartuta gaude, eta lasterketa horrekin lotutako saio berezia dakargu gaurkoan. Horretarako, Italia ondo baino hobeto ezagutzen duen Alessandro Ruta izan dugu gurean. Podcast honetan ez dugu giroaren inguruan bakarrik hitz egingo; Italiara bidaiatuko dugu, eta bertako hiri eta txirrindulari esanguratsuenei buruz ariko gara.

Sasiordeka podcastaren lehen atalean hainbat kontu izango ditugu berbagai. Podcast berri honen nondik norakoak azaltzeaz gain, hasi berri batentzat txirrindularitza zer den azalduko dugu. Txirrindulari altuen talde bat osatuko dugu eta pare bat joko ere izango dira tartean. Jarri kaskoa, baina ez bizikletakoa, musika entzuteko balio duen hori baizik!