HAMABOSTEAN BEHIN

Pantxoa Bergara Xabaltx-en leihoak zabaldu ditugu, Lapurditik Nafarroa ikusteko. Edo ospitale bateko leihoak, kanpoko bizitzari eta osasunari begiratzeko.

Ines Osinagak egin duen Mercedes Sosaren Dena aldatzen da abestiaren bertsioa aukeratu dugu gaurko kapituluan. Musika aldatu da, klima aldatu da; baina ez oroitzapenak eta maitasuna.

Aitor Monje Mudoh-k konposatu zuen S(u/a)minetik bakera obra eszenikoaren soinu banda; doluei buruzko trilogiaren bigarrena, indarkeria politikoaren ingurukoa. Banan-banan errepasatu ditugu kantuak, Monjek eta biok, solasaldi ederrean.

Zarauzko talde bat orain arte pintxatu ez izanak espero dut barkamena izatea bizi naizen herrian. Delorean da taldea, eta Los muertos, abestia.