Oñati bizitegi-merkatu tentsionatu izendatu du Eusko Jaurlaritzak. Gipuzkoako Aldizkari Ofizialean argitaratu da dagoeneko baina BOEn –Estatuko Boletin Ofizialean– argitaratutakoan jarriko da indarrean.
Etxebizitzaren gaineko hiru urterako Ekintza Plana aurkeztu zuen Oñatiko Udalak pasa den otsailean, alokairu irisgarriaren, etxebizitza-parkearen birgaitzearen, dirulaguntzen eta gobernantzaren hobekuntzaren inguruan egituratutako plazan, eta izendapen hau izango da plan horretako beste elementu bat etxebizitzaren arazoari aurre egiteko. Aitorpen honek, esaterako, alokairuaren prezioa mugatzea, maizterren babesa indartzea, jabe handien jarduera arautzea eta etxebizitza eskuragarriak sustatzea ahalbideratuko du. Kontratu berrietan prezioen igoerak mugatuko ditu eta etxebizitza hutsak alokairura bideratzeko, alokairu eskuragarria indartzeko eta etxebizitza parkea mobilizatzeko neurriak bultzatuko.
