Amantalak jantzi eta arratsalde pasa ederra egin dute Oñatiko txosnagunean, patata-tortilla txapelketan. Aurten txapelketaren bigarren aldia izan da, eta 23 taldek parte hartu dute. Epaimahaia iazko tortillarik gozoena prestatu zutenek osatu dute, eta 2026ko patata-tortillarik onena Weingüter kuadrillakoek prestatu dutela erabaki dute.
"Herri egunaren ostean, bixamonari aurre egiteko patata-tortilla on bat baino hoberik" ez dagoela azpimarratu dute parte-hartzaileek.
