Musika eta dantza ikuskizuna izanik, biak erakutsiz hasi zuten atzo iluntzeko emanaldia Julen Alonso trikitilariak eta Oinkari dantza taldeko kideek. Aurrean zituzten herritarrak agurtu, eta bizitzan sortzen diren korapiloak askatzen laguntzeko prestatutako ikuskizuna dela azaldu zuen Alonso trikitilariak, "esaterako, musika eta kulturaren alde, handien alde egiten ari diren sasoi honetan".
Hotik aurrera, trikitiarekin eta panderoarekin eskainitako piezak jo zein abestu zituzten, Oinkari dantza taldeko kideek dantzarekin laguntzen zituztenekin batera. Bi instrumentu horiez gain, gitarra, perkusioa eta baxua jo zituzten musikariak ere baziren oholtza gainean dantzariekin batera. Eta oholtza aurrean, ikuskizunaz gozatzera joandako herritar asko, emanaldia eserita zein zutik jarraitu zutenak.
