Santa Ana antzokian egingo dute, hilaren 21ean, 19:00etan, duela gutxi zendu den Xabier Ugarteren oroimen-ekitaldia. Zuzeneko musika –Ruper Ordorika, Ugarteren musika-bidelagun Eduardo Baranzano, Maribel Botanz eta Iraia Aizpuru eta Oñatiko abesbatza– eta Ugarte protagonista den Entzuteko lan isila ikus-entzunezkoa izango dira. Hara joateko, aurrez gonbidapenak hartu behar dira kultura etxean, 16:30etik 20:30era.
Korrika Txikia egubakoitzean
770 ikasle ibiliko dira 15:00etatik 16:00etara Korrika Txikian. Ondoren, Gauargi taldearen emanaldia izango da, Foruen plazan; gero, Oñatz dantza taldeak sorgin dantza egingo du.
Kantu-afari herrikoia izango da gaztelekuan; Txokolateixan daude, martitzena arte, txartelak salgai. Gaztetxearen eskutik, 20:00etan Skapaie elektrotxaranga kalean eta DJ Watxas eta DJ Bass&Dere Antixenean ondoren.
