1939. urtean jaio zen Azpeitiko Matxinbenta auzoko Largarate Goikoa baserrian, baina haren bizitzaren zati handiena Oñatin igaro zuen, Arantzazun, izan ere, hamabi urterekin iritsi baitzen bertara, 1971. urtean, fraide izateko ikasketak egitera.
Azpetitiko baserrian bizi zenetik izan zuen Segurolak ardiekiko zaletasuna, eta hori baliatuz, Gomiztegiko artzain-eskolaren sortzaileetako bat ere izan zen. Hori dela eta, 2020. urtean Baserritarron laguna saria jaso zuen nekazarien sindikatuaren eskutik; eta "bizitzan artzaintzaren alde egindako lan zabala eta oparoa" eskertu zioten bertan.
Segurolaren gaineko liburu bat ere argitaratu zuten Xabier Euzkitzek, Iñaki Beristainek eta Eduardo Urartek 2016. urtean: Nikolas Segurola, fraide, artzain eta bertsolari. Segurolaren biografia azaltzen duen liburuaren aurkezpena egin zuten Gandiaga topagunean, eta horrez gain, Segurola bera ere omendu zuten bertan.
Haren heriotzak tristura eragin du eta gizon estimatua zela erakusten duten mezu asko zabaldu dira sare sozialetan; hona hemen batzuk:
Oñatiko zenbat bertso saio gidatu ete dittu Nikolasek. Ume giñan eta zuekin hazi ginan kontu honeittan.
— Iñaki Olalde (@inaki_olalde) December 30, 2023
Hartu atseden, eta besarkada bat Arantzazuko zure anaiei. pic.twitter.com/NT1Uc4xNjt
Nikolas Segurola hil da. Handien artean handi. Fraidea, artzaina, bertsolaria. Beti miretsi izan dugun gizona. Goian bego. pic.twitter.com/LUovjm62pO
— IñakiGaldosIrazabal (@inakigaldosira) December 30, 2023
NIKOLAS haundia hil da. Nikolas Segurola fraide frantziskotarra, artzaina eta artzantzaren sustatzailea, Artzain eskolako sortzailea, bertsolaria eta bertsozale amorratua zendu da. 2020an, ENBA sindikatuak BASERRITARRON LAGUNA saria eman zion, guztiz merezitakoa. Goian Bego! pic.twitter.com/tW0yinb2XM
— ENBA - Euskal Nekazarien Batasuna (@ENBA_eus) December 30, 2023
🙏🏼 #NikolasSegurola frantziskotarra 84 urte zituela zendu da. #Arantzazu-tik, bertsolaritzaren eta artzaintzaren erreferente eta sustatzaileetako bat izan da gipuzkoarrontzat. @Gipuzkoa-ren izenean, eskerrik asko egin eta eman diguzun guztiagatik. Goian bego. https://t.co/axlgXTLwPg
— Eider Mendoza Larrañaga (@EiderMendoza2) December 30, 2023
Nikolas Segurola zendu da, fraide frantziskotarra, artzaina eta bertsolaria. Arlo ezberdinetatik ezaguna, artzantza sustatu zuen urrats berriak ematera bultzatuz, adibidez, Artzain Eskolaren sorrerarekin.
— Arantzazuko Ondarea (@ArantzazuOndare) December 31, 2023
Doluminak #Arantzazu|ko Anaidia, senide eta lagunentzat.
📸Iñaki Beristain pic.twitter.com/6aFNDbZfe6