Martxora arte iraungo du masterrak eta bi asteko mintegiak edo ikastaroak eskainiko dituzte. Kultura legalen inguruko ikastaroa da lehenengoa, Joxe Ramon Bengoetxearen eta Iker Navascuesen eskutik. Zuzenbide fakultateetan, batez er, arauak kontutan hartuta ematen dute formazioa Navascuesen iritziz, baina dio zuzenbidea ez dela hain zurruna, eta zuzenbidearen fenomenoa gizartean errotzea dela, hain zuzen ere, Oñatiko Lege Soziologia Institutuan landu gura dutena.
Master hau Oñatin eskaintzearen garrantzia azpimarratu gura izan du, bestalde, Bengoetxeak. Azaldu duen moduan, master honek munduan kokatzen du Oñati eta berarekin batera Euskal Herria, eta hemen formazioa jasotako adituen lana bertara heltzen da berriz.
Dagoeneko, nazioarteko 300dik gora adituk egin dute Oñatin eskaintzen den Lege Soziologia Institutuko masterra, eta saretu egin da euren komunitatea nazioartean, 2016tik Oñati Community moduan ezagutzen dena. Proiektu horrendako izan zen, hain zuzen ere Oñatiko Udalaren lehendabiziko GRANT beka.
Bestalde, kanpotik hona datozenek ere badute hemen saretzeko bidea, aurten hamabost urte betetzen dituen FRIENDSHIP programaren bitartez.
