Oñatiarrekin erein dutela bidea nabarmendu du EH BIlduk: "Guztiontzako herri bat eraikitzeko bidean urrats esanguratsuak eman ditugu, besteak beste, zerbitzu publikoak indartu eta herritar guztien eskura jarrita; oñatiarren kontzientziak astindu ditugu egungo gizarteak eta munduak planteatzen dizkiguten erronken aurrean; eta garapen eredu justu eta jasangarriago bat posible dela erakutsi dugu".
Herri dinamika
Datozen hilabeteetan herri dinamika zabala jarriko dutela martxan jakinarazi dute: "Arloz arloko lan-taldeak eratu, eta lehenik eta behin azken urteetako lanaz egiten dugun balantzea haiekin partekatu eta balorazio bat egiteari ekingo diogu. Horren ostean, herriaren
egoeraren diagnostiko bat egiteko unea etorriko da, behar zein erronka nagusiak identifikatzeko. Azkenik, identifikaturiko beharrizanei erantzuteko herri proiektu sendo bat eraikitzea egokituko zaigu, duela lau urte diseinatu genuena osatu eta aberastuko duena".
Urtebete barru izango diren udal-hauteskundeei erantzuteko herri programa eta hautagai zerrenda ere prozesu horretatik aterako dela esan dute. "Dinamika hau, ordea, ez da hauteskunde ziklora mugatzen. Lan egiteko eta politikan jarduteko modu berri bat sustatu nahi dugu, herritarrekiko etengabeko harremanean oinarrituta. Agerraldi hau aprobetxatzen dugu herritarrak animatzeko egingo ditugun deialdietan parte hartzera eta beraien ekarpena egitera, desberdinen arteko elkarlanaren bidez soilik lortuko dugulako aurrera egiten jarraitzea".
Prozesuaren lan-taldea
Politika sozialak: Iratxe Barruso eta Marilo Unzurrunzaga
Sozioekonomia: Ander Zarketa eta Leire Astigarraga
Lurralde antolaketa: Lierni Altube eta Aitzol Gandiaga
Kirola: Josune Odriozola eta Nerea Uriarte
Kultura eta euskara: Asier Ugarte
Hezkuntza: Asier Lauzirika
Berdintasuna: Irati Lete eta Alix Barbero
Gazteria: Amaiur Olalde
Komunikazioa: Irati Goitia
Koordinazioa: Igor Tomé
Udal ordezkariak: Xabier Igartua eta Izaro Elorza
