Dena aldatu sistema arrakalatu lelopean abiatuko da manifestazioa plazatik datorren astelehenean, martxoak 8, 19:00etan. Egun berean, baina eguerdian, 12:00etan, elkarretaratzea egingo dute Olakua auzoan herriko emakume pentsiodunek deituta.
Martxoak 8ari begirako egitarauko lehen ekintza, baina, gaur, eguaztena, dago: Irantzu Varelaren bakarrizketa zinema aretoan. Biharko zineklubean egun horri lotuta propio aukeratutako filma bat ikusi ahal izango da eta domekan, 20 emakume artisauk euren produktuak, lanak, jarriko dituzte salgai berdura plazan egingo den azokan.
Eta badira ekintza gehiago ere; agendan daude denak jasota.
