Arantzazun eman zuen bizitza osoa Bitoriano Gandiaga Artetxek apaiztu ondoren; fraide-gaien irakasle, idazle eta apaiz-lanetan. Aranzazu, Euzko-gogoa eta Olerti aldizkarietan argitaratu zituen poemak (180 inguru). Idazle eta poeta zen Gandiaga, eta idatzi zituenen artean 1962an idatzitako Elorri da aipatuena, lan horretan olerkariak inpresionismotik kreazionismora arteko bidea egiten duela nabarmeduz.
Idaztea eta euskara beste maite zuen Gandiagak natura. Horrelaxe gogoratzen du Gandiaga Pello Zabalak. Arantzazun elkar ezagutu zuten elkar, baserritik zuzenean joan ziren basilikara biak, han lagun egin eta naturarekiko zaletasun hori medio, elkarrekin pasatzen zituzten egunaren ordu asko.
Arantzazun obrak egin zituztenean haitza zela inguruko dena du gogoan Zabalak, zuhaitz gutxi gelditu ziren inguruan, gaur basilika inguruak beste itxura bat badu ere. Gandiagak izan zuen ardura paisaiaren bilakaera horretan.
Poemak liburuan jasoan
Gabonak ziren Bitoriano Gandiagaren sasoi gogokoena; etxekoei, lagunei, poemak, esaldiak edo testu txikiak idazten eta bidaltzen zizkien eta Gabonei lotutako idatziak ere egin zituen. Horietako batzuei musika jarri zien Pello Zabalak, eta liburu batean bildu zituzten denak, Xabin Egañaren ilustrazioekin liburua osatuz.
