Otsailaren 2an 69,76 zen Oñatiko intzidentzia-tasa (14 egunetan metatutako positibo kopurua 100.000 biztanleko) eta atzo, otsailak 9, eremu gorrian sartu zen 540,63ko intzidentziarekin. Izan ere, azken zazpi egunetan 59 positibo izan dira herrian.
Halako aldaketak gerta daitezkeela jakinekoa izan arren bilakaera oso azkarra izan dela onartu du Elorza alkateak. Egoera horri buelta emateko itxaropena ere agertu du: "Animoak herritarrei eta itzuliko gara lehengo egoerara. Arduraz jokatuko dugu orain arte moduan, elkar zainduko gara eta joango gara oneratzen".
