"Robert L. Stevensonek zioen moduan, liburu oro zentzu intimo batean, idazten duenaren lagunentzako gutun ireki bat da", horixe izan da Mikel Sotoren mezua. Gaineratu zuen, beldurra ardatz, Norton talde eibartarrari egindako Ohean infernuari begira kantuaren letra izan zela Suak pizten direnean poesia lanaren txinparta.
Poesia transmisiorako bide
Poesia, oso jende gutxirengana iristen dela dioten arren, errealitatea oso bestelako da. Irati Jimenez eta Harkaitz Cano idazleek sentimenduen transmisio zubi egiteko biderik egokiena dela diote. Hala, gatazka politikoa belaunaldi gazteei gerturatzeko poesia erabili du zubi gisa Sotok. Sasoian bizitakoak, beldurra, tortura eta laguntasuna transmititu nahi izan die poesia lerroen bitartez.
