Hondakinak murriztu, berrerabili eta birziklatzearen alde egiteko Oñatin gauzatu daitezkeen ekintza zehatzak jaso gura ditu Udalak herritarrengandik. Ekarpenak jasotzeko formularioa prestatu du horretarako udal webgunean. Kotoi organikoz egindako oihalezko poltsa eta soltean erosteko zakuen zozketan parte hartzeko aukera izango dute euren ideiak bidaltzen dituztenek.
Hondakinen astea da aste hau Oñatin eta Udalak antolatu dituen ekintzetako bat da hondakinak murrizteko, berrerabiltzeko eta birziklatzeko ideien jasotzea. Domekara arte egongo da aukera ekarpenak bidaltzeko formulario hau beteta. Baina ez da egingo den gauza bakarra, zapaturako jolasak antolatu dituzte umeendako eta nerabeendako eta informazio mahai bat ere jarriko dute plazan Agenda 2030aren berri emateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
