Aitor Mendiluze, Oihana Iguaran, Nerea Ibarzabal, Unai Agirre, Andoni Goitia eta Iker Zubeldia arituko dira gaua girotzen. Txinparta Bertso Eskolia arduratuko da, bestalde, gai-jartzaile lanak egiteaz. Sarrerak Txokolateixan eskuratu daitezke aurrez, egubakoitz eguerdira arte; nagusiek hamar euro, eta gazteek zortziren truke.
Hitzordu gehiago
Biharkoa ez da izango jaietan bertsoez gozatzeko aukera bakarra; izan ere, domekan, urriaren 6an, balkoitik balkoirako saioa egongo da. Andoni Egaña eta Xebastian Lizaso bertsolariak arituko dira kantuan, parez pare. Kale Zaharreko balkoi bitan izango da hori, 20:30ean.
