Gose gaur, barikua, Oñatiko Gaztelekuan

Orain dela zazpi urte inguru jo zuen azkenekoz Gose taldeak Oñatin. Gaur gauean, berriz, talde arrasatearraren musika saioa entzuteko aukera izango dute oñatiarrek. Haiekin batera, Iruñetik datorren NX taldeak ere kontzertua eskainiko du herriko Gaztelekuan. Kontzertua 22:30ean hasiko da eta bost eurotan egongo dira sarrerak

2012an aurkeztu zuen azkenengo diskoa Gosek, Gose IIIII izenekoa. Taldearen bosgarren diskoa da, eta, oraingoan ere, trikitiaren trataera modernoa, punkaren jarrera eta elektronikaren ukituak nahasten jarraitzen du Ines Osinaga, Iñaki Bengoa eta Osoron kideek osatutako talde debagoiendarrak.
Azken urteotan euskal musikagintzak emandako talderik arrakastatsuenetako bat bilakatu da Gose, eta hainbat kontzertu eskaini ditu Euskal Herritik kanpo ere.


NX musika talde berria

NX boskoteak, berriz, rock indartsuan oinarritutako musika dakar, baina metal doinuetatik punkera doazen soinuekin ere nahasten dituzte kantuak. Itziar da taldeko abeslaria eta, hain zuzen, harenak dira abestien letrak. Hainbat kezka eta gogoeta azaleratzen dira musika talde nafarraren obretan, hala nola pobrezia, kapitalismoa, emakumeak eta errespetua.
Bada, NX taldea berria izan arren, kideak ez dira hasiberriak musikan. Izan ere, taldekide asko Anorexia proiektuan egon dira aurretik.

Erlazionatuak

Aste bukaeran... zer?

Debagoiena

Udaberriko Musikaldiaren azken txanpa izango da oraingo asteburukoa, Arrasateko interpreteak protagonista izango dituena. Emanaldi sorta, domekan, ...
Udaberriko Musikaldiaren azken txanpa: Txorbela, Arrasate Musikal eta Goikobalu

Arrasate

Herriko eskaintza musikalaren mugarri izateko asmoarekin duela hamar urte abiatutakoa erreferentzia da herriko melomanoentzat. Udaberriko Musikaldi...
Ezinean taldea, zapatuan Arrasateko gaztetxean

Arrasate

Azpeitiarrak dira, laukotea eta hiru diskoren egile, azkena argitaratu berria: 'Berriz' (Oihuka). Hard-core melodikoa jotzen dute. Porco Bravorekin...
Tanttakaren 'Zazpi aldiz elur' ikuskizuna, Mikel Laboa gogoan

Arrasate Oñati

Mireia Gabilondo aktoreak Laboari buruz hitz egiteko zeukan gogoagatik sortutakoa eta askotariko osagaiak (poesia, musika, antzezpenak, bideo-proie...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.