Balaman (Marrupa ondoko distritua) hasi da 2014ko baratzetako kanpaina. Nekazariak hasi dira lanean, aurreko urteko kanpaina hobetu nahian, 2013koa ere ona izan zen arren.
Nekazariek badakite ze elikagai ekoiztu behar dituzten urterako errenta ona izateko eta gaur da eguna nekazari bakoitzak behar duen eta komeni zaiona ekoizten duena.
Tipula da erregina
Lurra eta ureztatze sistemak modernoak gertatzen ikasi dute eta negutegiekin tipula hazitegiak eraikitzen dituzte. Izan ere, tipula da produkturik preziatuena eta ondorioz diru gehien ematen duena eta kontserbatu ere ederto egiten da.
2013 kanpainaren bukaeran makina bat kamioi etorri ziren lehenengo aldiz, Balamako nekazariek ekoiztutako tipulak erostera. Ondo kargatu ondoren 4 ordutara dagoen kostako Pemba hiruburura itzuliaz, bertako jatetxeak izaten baitira erosten dituztenak.
Idi garraioa
Lehenengo aldia da garraiorako idiak erabiltzen dituztena eta nekazariak arro daude. Gobernuak komunitate bakoitzari idi batzuk ematen dizkie lanak errazteko, baina arrazoi ugari medio, ez dira orain arte erabili herriko nekazarien zereginetarako. Izan ere ulertu dugu, gauzak ez doazenean beti egoten dela pisuzko arrazoiren bat eta ez dela utzikeria izaten sarri pentsatzen den bezala.
Aurreko bi urtetan Balaman lanean aritu den Juanjo Navarro kooperantea izan da, aurrekariak ezagutu, egoera aztertu eta gaiari heldu diona. Uztarriak, gurdiak eta beharrezko materiala nekazarien eskuetan jarriaz.
Besteak beste, orain anakardo landareak garraiatzeko erabiltzen ari dira. Izan ere anakardoa inguruko fruitu lehorren erregea da eta biztanleen elikaduran oso estimatua. Garraio praktika honek, denbora, lana eta energia aurrezten lagunduko die nekazariei.
Balamarrak badakite, zer egin, nola, noiz eta zertarako …eta nekazariek, gero eta eskurago dituzte, material, aholkularitza eta logistikarako bitartekoak. Izan ere aurreko urteko uztak dirua utzi baitzien aurtengo kanpaina ondo gertatzeko.
Beste guztia bakarrik dator egon seguru!!
